Atleti Muhamet Ramadani ka shkëlqyer në Kampionatin Ballkanik U20 që është duke u mbajtur në Stamboll.
Federata Atletike e Kosovës përmes një postimi në Facebook ka bërë të ditur se Ramadani ka rrëmbyer medaljen e artë në hedhjen e gjyles në ambient të mbyllur.
Ai ka lënë prapa turkun Melih Yersel dhe grekun Konstantinos Gennikis.
Atleti tjetër nga Kosova në këtë garë, Alaudin Suma përfundoi garën i shtati.
