Deputeti i LDK-së, Avdullah Hoti, përmes një reagimi në profilin e tij në ‘facebook’ ka thënë se inflacioni po ua gërryen të ardhurat familjeve kosovare dhe se ai është rritur edhe në muajin e fundit.
Hoti në reagimin e tij ka përmendur edhe rritjen e çmimit të derivateve dhe rrymës elektrike.
Ish-kryeministri mes tjerash ka deklaruar se sipas statistikave zyrtare, përgjatë viteve 2020-2024, mbi 200 mijë kosovarë kanë kërkuar leje qëndrim në BE, e që është përqindje dyfish më e lartë sesa e vendeve të tjera në rajon.
“Kosova prin, krahas Shqipërisë, me përqindjen e popullsisë që emigron. Statistikat zyrtare tregojnë se 210,442 persona, apo 13% e popullsisë së Kosovës, kanë kërkuar lejeqëndrim në BE gjatë viteve 2020–2024. Kjo përqindje është dyfish më e lartë se ajo e vendeve të tjera në rajon”, ka shkruar Hoti.
