Policia e Kosovës ka njoftuar se një burrë është gjetur i vdekur dje në rrugën “Miran Hajra” në Mitrovicën e Jugut.
“Raportohet se është gjetur pa shenja jete viktima mashkull kosovar. Në vendin e ngjarjes kanë dalë njësitet përkatëse, ndërsa ekipi mjekësor ka konstatuar vdekjen e viktimës. Me vendim të prokurorit, trupi i pa jetë dërgohet në IML për obduksion”, tha policia.
Policia e ka cilësuar rastin si “vdekje e dyshimtë”.
