KFOR njofton se ka shtuar prezencën në Kosovë: Po punojmë me komunitetin ndërkombëtar, përfshirë mbështetjen për dialogun e lehtësuar nga BE-ja

Misioni paqeruajtës i udhëhequr nga NATO, KFOR, ka shtuar prezencën dhe patrullimet në mbarë territorin e Kosovës si pjesë e aktiviteteve të rregullta stërvitore.

Sipas njoftimit, KFOR po vepron me një qasje agile dhe fleksibile, duke mbetur plotësisht i gatshëm të reagojë ndaj çdo zhvillimi të mundshëm të sigurisë. Misioni thekson se angazhohet të kontribuojë në një mjedis të sigurt për të gjithë banorët e Kosovës, në bashkërendim të ngushtë me Policinë e Kosovës dhe EULEX-in

KFOR gjithashtu bashkëpunon me komunitetin ndërkombëtar, përfshirë mbështetjen për dialogun e lehtësuar nga BE-ja ndërmjet Beogradit dhe Prishtinës. Komandanti i KFOR-it, Gjeneral Major Özkan Ulutaş, mban kontakte të rregullta me palët kyçe në Kosovë dhe Serbi.

Misioni vazhdon të zbatojë mandatin e tij të përcaktuar nga Rezoluta 1244 e Këshillit të Sigurimit të OKB-së (1999), duke garantuar siguri, ambient të qëndrueshëm dhe liri të lëvizjes, në çdo kohë dhe në mënyrë të paanshme. KFOR mbetet në koordinim të ngushtë me Policinë e Kosovës dhe EULEX-in, secili në rolet e tij si institucione të sigurisë.

Postimi i plotë:

Misioni i udhëhequr nga NATO, KFOR, ka forcuar prezencën dhe patrullimet në të gjithë Kosovën si pjesë e aktiviteteve të rregullta stërvitore.
Me qasjen e saj të lëvizshme dhe fleksibile, KFOR mbetet i gatshëm të përgjigjet ndaj çdo zhvillimi të sigurisë, duke kontribuar në një mjedis të sigurt për të gjithë njerëzit që jetojnë në Kosovë, në bashkëpunim të ngushtë me Policinë e Kosovës dhe EULEX-in.
Misioni punon gjithashtu ngushtë me komunitetin ndërkombëtar, përfshirë mbështetjen për dialogun e lehtësuar nga BE-ja ndërmjet Beogradit dhe Prishtinës. Komandanti i KFOR-it, Gjeneral Major Özkan Ulutaş, është në kontakt të rregullt me partnerët kryesorë në Kosovë dhe Serbi.

KFOR vazhdon të zbatojë mandatin e tij – të bazuar në Rezolutën 1244 të Këshillit të Sigurimit të OKB-së të vitit 1999 – për të kontribuar në një mjedis të sigurt dhe të qëndrueshëm për të gjithë njerëzit që jetojnë në Kosovë dhe për liri të lëvizjes, në çdo kohë dhe në mënyrë të paanshme. KFOR punon në bashkërendim të ngushtë me Policinë e Kosovës dhe Misionin e Bashkimit Evropian për Sundimin e Ligjit në Kosovë (EULEX), në përputhje me rolet e tyre si institucione të sigurisë.