Zyra e Bashkimit Evropian në Kosovë ka mirëpritur tranzicionin pa probleme të pushtetit në katër komunat veriore, Mitrovicë e Veriut, Zveçan, Leposaviq dhe Zubin Potok.
“Sot, në 20 komuna të Kosovës, kuvendet komunale dhe kryetarët e rinj morën detyrën pas zgjedhjeve lokale gjithëpërfshirëse. Bashkimi Evropian në Kosovë mirëpret dorëzimin e qetë të pushtetit komunal, përfshirë edhe në katër komunat veriore. Ky është një hap i rëndësishëm drejt një angazhimi konstruktiv në të ardhmen”, thuhet në reagim.
