Abdixhiku pas mbledhisë në LDK: Kosova u mbajt peng për 10 muaj nga dikush që s’e kupton demokracinë

Lumir Abdixhiku ka marrë sot edhe miratimin e Këshillit të Përgjithshëm të LDK’së si kandidat për Kryeministër nga kjo parti.

Abdixhiku drejtoi akuza ndaj kreut të VV’së, Albin Kurtit dhe Vetëvendosjes.

“Dhjetë muaj me radhë, Republika e Kosovës është mbajtur në bllokadë nga dikush që nuk e kupton demokracinë. Nga dikush që nuk e njeh rregullin themelor se shumica ndërtohet – nuk improvizohet; se legjitimiteti fitohet në Kuvend dhe tek qytetari e jo në propagandë.”, ka deklaruar Abdixhiku.