Kandidati i vetëm për kryetar të PDK-së, Bedri Hamza në fjalën e tij në Konventën e 12-të të kësaj partie ka përmendur ish drejtuesit Hashim Thaçin, Kadri Veselin e Jakup Krasniqin, të cilët janë në përfundim të procesit gjyqësor në Hagë.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
“Le t’i nderojmë liderët tanë historikë, të cilët me vizion, guxim e sakrificë e bënë Kosovën shtet të pavarur e sovran. Hashim Thaçin, nënshkruesin e marrëveshjes së Rambujesë, shpallësin e pavarësisë, kryeministrin dhe presidentin që e afirmoi Kosovën ndërkombëtarisht. Kadri Veselin, heroin e heshtur, çlirimtarin e madh dhe kryetarin që e modernizoi partinë. Jakup Krasniqin, politikanin e urtë dhe zërin e pathyeshëm të Ushtrisë Çlirimtare të Kosovës dhe të shtetit tonë. Sakrifica e tyre dhe e shumë të tjerëve është themeli mbi të cilin ne qëndrojmë sot”, ka thënë Hamza.
Ai i ka falënderuar edhe kryetarët paraprakë, Enver Hoxhajn dhe Memli Krasniqin.
“Faleminderit edhe miqve të mi, Enverit dhe Memlit, për punën e tyre të pandalshme dhe me shumë përkushtim për partinë”, ka thënë Hamza.
