Kryeministri në detyrë, Ramush Haradinaj, ka folur pas raportimeve për përafrim të marrëveshjes mes Lëvizjes Vetëvendosje dhe Lidhjes Demokratike të Kosovës, përcjellë Gazeta Blic.
Përmes një shkrimi në facebook, ai e ka quajtur si lajm të mirë përafrimin e tyre, duke thënë se tashmë është e domosdoshme që sa më parë të formohet qeveria. Haradinaj, u shpreh se qëndron i bindur se “se agonia e tejzgjatjes për ndarje të posteve është vetëm shpërfaqja e parë e mashtrimit të madh me të cilin do të identifikohet Albin Kurti si Kryeministër”.
https://www.facebook.com/RamushHaradinajOfficial/posts/1590076561116752
Lajmi që i gjithë procesi negociues është përmbyllur me dakordim nga LVV dhe LDK është veprim i duhur dhe konkretizimi i mirë, që respekton rezultatin zgjedhor. Tashmë është e domosdoshme të formohet qeveria sa më shpejtë.
Kosovën e presin punë të mëdha dhe procese të rëndësishme, për të cilat duhet lidership, qëndrime konsistente dhe institucione kredibile dhe të qëndrueshme. Qëndroj i bindur se agonia e tejzgjatjes për ndarje të posteve është vetëm shpërfaqja e parë e mashtrimit të madh me të cilin do të identifikohet Albin Kurti si Kryeministër.
RH
