Kadri Veseli kryeministër i ri pa përfshirjen e VV-së

Kryesia e Partisë Demokratike të Kosovës e ka autorizuar kryetarin e saj, Kadri Veseli, për të filluar negociatat me Lidhjen Demokratike të Kosovë, Aleancën për Ardhmërinë e Kosovës dhe NISMA-n Socialdemokrate për një qeveri të gjerë gjithëpërfshirëse pa Vetëvendosjen.

Burime të arbresh.info brenda kryesisë së PDK-së bëjnë të ditur se ky veprim vie pas presionit ndërkombëtarë për të vazhduar dialogun për normalizim të marrëdhënieve me Serbinë dhe finalizimit të një marrëveshje pajtuese mes dy palëve të ndërmjetësuar nga Bashkimi Evropian dhe garantuar nga Shtetet e Bashkuara të Amerikës.

Gjatë ditës do të qëndrojë në Kosovë përfaqësuesi i lartë i BE-së për Politikë të Jashtme dhe Sigurisë, Josep Borrel, pasardhës i Federica Mogherinit, njëherë edhe ndërmjetësues i dialogut Kosovë-Serbi.

Borrel do të takojë presidentin, Hashim Thaçi dhe përfaqësuesit politik të partive parlamentare.

Partia Demokratike e Kosovës ka thirrur konferencë për medie por nuk ka saktësuar temën e diskutimit me gazetarë./arbresh.info/