Politologu Agon Maliqi komentoi sulmet e Vetëvendosjes ndaj Gjykatës Kushtetuese.
Ai shkroi të premten se argumentet e Vetëvendosjes nuk i konsideron valide dhe s’kanë për çfarë të ankohen se iu është cenuar ndonjë e drejtë.
“Gjykata Kushtetuese nuk e përmbysi demokracinë, por e mbrojti atë, duke mos lejuar që procesi të mbahej peng. Nuk po ia mohon partisë së parë të drejtën me propozu, por po i thotë i keni tre mundësi me e votu një emër, mandej kaloni te tjetri/tjetra. Ama e keni një afat sepse nuk mundeni me mbajt peng vullnetin qytetar. Fakti se partia e parë nuk i ka numrat dhe nuk dëshiron me ndërtu konsensus, ky nuk është faji i gjykatës, por i kuptimit pervers të demokracisë nga fituesi relativ i zgjedhjeve.”
