Deputetja ukrainase, Ivanna Klympush Tsintsadze ka deklaruar se Ukraina do të njohë Kosovën në të ardhmen e afërt.
Ajo ka pohuar se kjo çështje nuk do të mbetet më e hapur dhe vendimi për njohjen e Kosovës pritet të merret së shpejti.
Ajo shprehu besimin e plotë se ky vendim do të jetë në përputhje me pritshmëritë e popullit të Kosovës.
“Unë besoj se në të ardhmen e afërt Ukraina do ta njohë Kosovën. Nuk do të jetë më një çështje e hapur. Besoj se Ukraina do ta marrë vendimin e duhur që pritet nga populli në Kosovë”, ka deklaruar ajo për Tv Klan.
