Në Leposaviq mbyllet ndërmarrja ilegale “Serbia Shuma”

Zyrtarë të Agjencisë Kosovare për Bujqësi dhe Pylltari kanë hyrë sot në ambientet e ndërmarrjes ilegale serbe “Serbia Shuma”, në Leposaviq.

Kjo u konfirmua për Klankosova nga zëvendësdrejtori i Policisë për rajonin e Veriut, Veton Elshani.

Elshani, tha se zyrtarët e agjencisë e konsiderojnë këtë objekt si pronë të tyre.

Ai theksoi se tani kjo ndërmarrje serbe do të mbyllet.

Numri dy i policisë në veri deklaroi tutje se në këto hapësira pritet të vendoset ndërmarrja publike kosovare për mirëmbajtjen e pyjeve.

Veton Elshani shtoi se në këtë rast policia e rajonit të Veriut ka pasur vetëm rol asistues në këtë aksion të ndërmarrë nga zyrtarët e Prishtinës, ndërsa nuk dha detaje më shumë lidhur me rastin.