Lirim Mehmetaj i ka reaguar deputetit Albin Kurti pas vendimit të MPJ-së që ta largojë Shkëlqim Devollin nga roli i konsullit në Malin e Zi pasi kishte dokumente personale ku qytetet e Kosovës paraqiteshin si pjesë e Serbisë.
Në lidhje me këtë, Mehmetaj e ka përshëndetur qëndrimin e Kurtit që të luftohen ata që s’e njohin Republikën e Kosovës, por se këtë gjë ta bëjë edhe ndaj disa zyrtarëve të VV-së dhe presidentes së Kosovës.
”A po fillon te lutem nga presidentja Vjosa Osmani e bashkepartiaket tu. Shih si jane prezantu si “Pristina, Serbia” ne kete platforme”, shkroi Mehmetaj në Facebook.
Fjalën e pati për platformën Scopus ku publikohen kërkime dhe artikuj shkencorë, e ku siç shihet në fotot e ndara nga ai, Vjosa Osmani, Armend Muja, Artane Rizvanolli e Fitim Uka, janë paraqitur në këtë platformë me prejardhje nga ”Pristina, Serbia”./gazetametro.net