Kryetari i Mitrovicës, Agim Bahtiri e ka quajtur të domosdoshme nënshkrimin e koalicionit ndërmjet Lëvizjes “Vetëvendosje” dhe Lidhjes Demokratike të Kosovës.
Sipas tij, këto dy partie duhet të ulën dhe ta vendosin vulën finale të marrëveshjes për udhëheqje të ekzekutivit. Bahtiri, në një intervistë për Dukagjinin, theksoi se do të ishte e panevojshme që vendi të shkonte në zgjedhje. “Pse me harxhu pare, me harxhu kohë. Edhe nëse shkojmë në zgjedhje ne përsëri do të bëhemi bashkë”, është shprehur ai.
Vullneti i VV-së për me qenë me LDK-në ishte i kamotshëm. “70 deputetë do t’i kishin këto dy parti nëse do të arrihej marrëveshja para zgjedhjeve, me një listë të përbashkët”, u shpreh ai.
