Një ngjarje e rëndë ka ndodhur sot në Gjilan, ku një person ka humbur jetën si pasojë e gjuajtjes me armë zjarri. Lajmi është konfirmuar nga Policia, ndërsa vdekja e viktimës është konstatuar nga ekipet emergjente, raporton Gazeta Sinjali.
![](https://mitrovicasot.net/wp-content/uploads/2024/02/Ariani-Company-Banner-per-portale-Amina-Mitrovice-02-copy.jpg")
Sinjali mëson se viktima është 37-vjeçari, Sokol Osmani.
Sipas informacioneve të para, ai është gjetur i shtrirë në një skaj të rrugës “Mërgimtarët e Gjilanit”.
Vdekjen e tij e kanë konstatuar ekipet nga emergjenca në vendin e ngjarjes, ndërsa personat e dyshuar në lidhje me këtë rast ende nuk janë arrestuar.
Ndërkaq, nga Policia kanë bërë të ditur se njësiti i hetimeve rajonale ka filluar hetimet në identifikimin e personave të dyshuar, për ndriçimin dhe sqarimin e rrethanave të këtij rasti.
Me urdhër të Prokurorit të Shtetit trupi i pajetë i viktimës është dërguar në IML për obduksion.
/GazetaSinjali/
