Ngrica mëngjesin e të martës, kthjellët e me diell më pas

Ditën e martë parashihet të mbajë mot me kthjellime e diell. Orëve të mëngjesit lokalisht ngrica, me temperatura minimale që zbresin deri në -1C e 2C.

Temperaturat maksimale gjatë ditës shkojnë deri në 13C e 15C. Dominojnë qetësitë, e ditën frynë erë e lehtë verilindore 2-4m/s.

Mot stabil parashihet të mizotërojë gjatë kësaj jave, me kthjellime. Të mërkurën e të enjten kalojnë vransira, kryesisht shtresore të larta.

Ndotësit ajror mbeten më të ngujuar pranë sipërfaqes, në këto kushte të motit të qëndrueshëm, duke rritur koncentrimet e tyre në vlera të dobëta të cilësisë së ajrit.