Kryeministri Albin Kurti ka treguar për mbledhja e dytë e Qeverisë për këtë javë, e 224-ta me radhë, e mbajtur dje në mënyrë elektronike, që sipas tij solli mes tjerash këto vendime të rëndësishme.
Ai ka përmendur rritjen e pensioneve, ndarjen e 200 mijë eurove për Olimpiadën Evropiane të Vajzave në Matematikë (EGMO) 2025 dhe ndarjen e 200 mijë eurove ndihmë për vërshimet në Bosnje e Hercegovinë.
Postimi i tij:
• Rritjen e pensioneve me 20 për qind duke filluar nga ky muaj, për skemat dhe nën-programet:
• Pensioni bazik i moshës;
•︎ Pensionet kontributdhënëse I, II, III dhe IV;
• Pensionet për aftësitë e kufizuara duke përfshirë atë për fëmijë dhe të rritur si dhe për personat e verbër I dhe II e për personat paraplegjik dhe tetraplegjik I dhe II;
• Pensioni familjar;
• Pensioni invalidor i punës;
• Pensioni i parakohshëm për Trepçën.
• Ndarjen e 200 mijë eurove për Olimpiadën Evropiane të Vajzave në Matematikë (EGMO) 2025, të organizuar nga Shoqata e Matematikanëve të Kosovës.
• Ndarjen e 200 mijë eurove për ofrimin e ndihmës për rimëkëmbje nga fatkeqësia natyrore dhe vërshimet e ndodhura në Bosnje dhe Hercegovinë.