Afera e fundit e Qeverisë Kurti për të cilën raportoi Gazeta Nacionale, e që ka të bëjë me ushqimin në FSK, të cilin zëvendësministri i Mbrojtjes Shemsi Syla ka vendosur ta bëjë sekret shtetëror, ka shpalosur një gamë më të madhe të skandaleve të tij në këtë ministri.
Hetem Vranjolli i cili ishte shofer i Sylës, për Gazetën Nacionale ka shpalosur detaje të sjelljes arrogante të zëvendësministrit me të, si dhe me kolegë të tjerë.
Sipas Vranjollit, Syla përveç se e ka fyer atë personalisht, ai vazhdimisht ka fyer edhe Komandantin e FSK-së, Bashkim Jashari si dhe ministra të tjerë. Vranjolli thotë t’a ketë ditur edhe për kontratën për ushqim.
