Skuadra e madhe angleze në kërkim të Milot Rashicës

Sulmuesi i Werder Bremenit, Milot Rashica, po bën mjaft mirë në kampionatin gjerman. Ai është kthyer në liderin e skuadrës gjermane, pavarësisht se kjo e fundit po vuan shumë.

Werderi rrezikon të bie nga kategoria, pasi momentalisht ndodhet në vend të parafundit. Golat e sulmuesit të Përfaqësueses së Kosovës nuk kanë mjaftuar, ndërsa Aston Villa kërkon të shfrytëzojë momentin dhe të rrëmbejë futbollistin. Klubi anglez ka gati 35 milionë euro për “Raketën”.

Emri i klubit është përmendur edhe më parë, por sot është rishfaqur sërish në skenë nga mediet angleze që shkruajnë se Aston Villa e do që në janar Rashicën.Werderi ka nevojë për shërbimet e tij, por sigurisht që oferta e anglezëve prej 35 milionë eurosh është shumë e majme dhe thuajse e parezistueshme për klubin.

Ata nuk duan që të rrezikojnë ta humbasin për një çmim më të ulët në verë, prandaj mund të shtyhen për ta shitur që në janar.