ATK gjobë prej 72 mijë eurosh për Adelina Berishën

Këngëtarja Adelina Berisha është bërë subjekt i dënimeve nga Agjencia Tatimore e Kosovës (ATK)

Pas Mozzikut, i cili u dënua më 500 000 euro për shkak të shmangies së tatimit, një tjetër këngëtar është dënuar pasi që gjashtë vite nuk ka deklaruar fitimet e saj.

Bëhet fjalë për këngëtaren Adelina Berisha, për të cilën burime të Gazetës Express kanë thënë që ajo e “është dënuar më 72 000 euro” nga ATK.

“Adelina Berisha është dënuar nga ATK më 72000 euro, pavarësisht se nuk dihet së ku janë bazuar ata për ta dënuar atë me këtë shifër”, ka thënë një burim i Gazetës Express, shumë i afërt me këngëtaren.

Ende nuk dihet nëse ky është një dënim nga ATK për vitin e fundit, apo është një borxh që asaj i është mbledhur që disa vite.